पान:मुसलमानी मुलखांतली मुशाफरी.pdf/88

हे पान प्रमाणित केलेले आहे.

मुसलमानी मुलखांतली मुशाफरी

पाहिजेत. शौकतअल्लींनी अंतस्थ यादवीची धमकी दिली हे खरें ना ? मला राहून राहून अत्यंत वाईट वाटते ते या अविचारी अराष्ट्रीय मुसलमानांचे. कोणी तिसऱ्या व्यक्तीने जरी त्यांच्या मनांत हे वेडे विचार भरवून दिले असे धरून चाललें तरी या भुलथापांना ते फसतात कसे ? त्यांना इतका का विचार नाही ?

 "हिंदुस्थानांत मला प्रथमतः भेटावेसे वाटत असेल तर ते जवाहरलाल नेहरूंना. त्यांनी साम्राज्यविरोधी संघाच्या अध्यक्षाला पाठविलेली स्वत:च्या प्रकृतीसंबंधी तार फार जोरदार भाषेत लिहिली होती. ( सायमन-सप्तकाच्या बहिष्कारामिरवणुकीत जवाहरलालना मार लागला होता, त्याची चौकशी साम्राज्यविरोधी संघाध्यक्षाने केली. तिला उत्तर म्हणून तार पाठविली तींत ‘ब्रिटिश साम्राज्याला पुरून उरण्याची इच्छा आहे,' असे जवाहारलालनी म्हटले होते; हा भाग येथे अनुसंधेय होता). स्वातंत्र्याच्या चळवळीबरोबरच सामाजिक सुधारणेचाही जो कार्यक्रम त्यांनी आंखला आहे तीच प्रगतीची योग्य दिशा आहे. नुसते राजकारण राखुन चालत नसते. जनसमाजाची अनुकूलता मिळविण्यासाठी सामाजिक व आर्थिक बाबी जनतेला तत्काळ पटतील अशा आपल्या योजनेत समाविष्ट कराव्या लागतात. पंडित जवाहरलालनी दीर्घ विचारांतीच हे धोरण ठरविलेले दिसते. त्यांचे वय काय ? ते कोठे शिकले ?" इत्यादि घरगुती माहिती विचारून सर्व्हंट्स ऑफ इंडिया सोसायटी कशी चालते ? तिची कार्य करण्याची पद्धति कशी आहे ? कोणत्या क्षेत्रांत तिचे विशेष लक्ष आहे ? ‘सास्ट्री' (शास्त्री) कोण ? त्यांचे राजकीय मत कोणत्या पक्षाकडे झुकलेलें आहे ? या प्रश्नांचा मारा झाला. समाधानकारक उत्तरे मिळविल्यावर हिंदुस्थानचे भविष्य काय या विषयावर चर्चा सुरू झाली.

८२