योग्य रीतीने केल्यास जसा उत्तम फायदा होतो, तसा अयोग्य रीतीने केल्यास
तोटाही होऊ शकतो, ते अनारोग्याला आमंत्रण ठरते, हे विसरता कामा नये.
"प्राणायामेन युक्तेन सर्व रोगक्षयो भवेत् ।
अयुक्ताभ्यास योगेन सर्व रोगो समुद्भवः ॥२-१६॥"
ही पतंजलींनी दिलेली सूचना गांभीर्यानेच घेतली पाहिजे. प्राणायामावर अनेक
लेखकांनी पुस्तके लिहून त्याचे निरनिराळे पैलू दाखवले आहेत. माझा विश्वास व
थोडाफार अभ्यास लोणावळ्याच्या 'कैवल्यधाम' या संस्थेने स्वीकारलेल्या पद्धतीचा
आहे. पंचवीस-तीस वर्षांपूर्वी नागपूर येथे असताना जनार्दन स्वामी यांच्याकडूनही
अनेक गोष्टी शिकलो. जनार्दन स्वामी हे संन्यासी व स्वामी विवेकानंदांचे अनुयायी
व त्यांना मिळालेल्या आज्ञेप्रमाणे ते हेच कार्य करत असत. घेरंड संहिता, हठयोग
प्रदीपिका व योगोनिषद यामध्ये दहा प्राणांची माहिती सांगितली आहे. ती फार
महत्त्वाची आहे.
पान:आरोग्याचा शोध (वेध - विकार मुक्तीचे).pdf/२५८
या पानाचे मुद्रितशोधन झालेले आहे
२५७