या पानाचे मुद्रितशोधन झालेले आहे
कुब्बा गांव फार रमणीय व समृद्ध होता. लोक सुखी व सधन होते. खाऊन- पिऊन बरे होते. या गांवीं मुहंमद व अबुबकर दोघांनीं कांहीं दिवस मुक्काम केला. येथे अलीहि त्यांना येऊन मिळाले. मुहंमद गेल्यावर मांगें अलींना बराच त्रास झाला. ते मक्केहून पायींच निघाले. दिवसा लपून रहात, रात्रभर चालत. शेवटीं येऊन मिळाले. कुब्बाचा प्रमुख "येथेंच रहा" असे मुहंमदांस म्हणाला. परंतु मुहंमदांसमोर कर्तव्य होतं. ते यसरिबला जाण्यास निघाले. बरोबर कितीतरी अनुयायी होते.
त्या दिवशीं शुक्रवार होता. इ. स. ६२२ जुलैची २ तारीख होती. त्या दिवशीं मुहंमदांनी मक्का सोडली. या दिवसापासून मुहंमदी पंचांग सुरू होतें. यालाच हिजरी सन ही संज्ञा आहे.
回 回 回
इस्लामी संस्कृति । ९१
