या पानाचे मुद्रितशोधन झालेले आहे
मोर
१
मोर नाचला असा
नाचला असा
नाचला मोर ऽऽ
आषाढ बनावर आले
धावुनी नभ वेडे घनघोर
२
मनी दाटुनी येतो सांजवेळी
शिशिरामधला मोर
पिसा होऊनी पिसे शोधतो
रानी सांडली दूर
अंधार घालतो मिठी
घुसमटे मोर... अन्
चांदणेही फितूर
३
झाडाच्या फांदीवरती बसला
सजून पहाटे मोर
ढाळून पिसांचा भार
... शिरशिरे झाड
रानातून असूया साऱ्या
ल्यायले झाड आभूषण
पाचू-हिऱ्यांचा हार
■
कबुतरखाना / ६३