या पानाचे मुद्रितशोधन झालेले आहे
फुलांना फुलू दे
फुलांनी फुलायचं
तुम्ही आम्ही खुडायचं
हे काही बरं नव्हे
फुलांना फुलू दे
पानांतून उलू दे
तिच्या केसांत त्यांचं फूलपण
कशासाठी गुदमरूदे ?
मेल्यावरही फुलांनी हसावं टवटवीत
माळा त्यांच्या प्रेतांच्या माळाव्यात आम्ही घवघवीत...
कशासाठी ?
फुलांना फुलू दे
फांदीवर झुलू दे
हवं तसं डुलू दे
अन् आकाश, डोंगर, नदी-नाल्यातल्या
साध्यासुध्या परमेश्वराला
मोकळेपणानं हसू दे
फुलांना फुलू दे
पानांतून उलू दे
फांदीवर झुलू दे
■
६८ / कबुतरखाना
