१०२. निसर्गाचं शहाणपण
'सकाळी सातला ये ना ऑफिसला,तिथं भेटू आणि मग प्रोजेक्ट रिपोर्टविषयी बोलू'असं प्राध्यापक नित्सुरे मला म्हणाले तेव्हा मी अवाक् झालो आणि नित्सुन्यांना मी अवाक् झाल्याचंही लगेचच समजलं.
"आमच्या इन्स्टिट्यूटला काम करण्याची उन्हाळ्याची वेळ वेगळी असते.सकाळी सात ते दुपारी एक.अरे,उन्हाळा इतका भीषण असतो की सकाळी साडेनऊला ऑफिसमध्ये येऊन एक-दोन वाजेपर्यंत उन्हामुळं आम्ही इतके थकलेलो असतो की नंतर खरं पाहता आमचं कामच होत नाही.म्हणून दोन महिने आमची वेळ वेगळी असते."
मला हे आवडलं.अगदी सेन्सिबल वाटलं.जिथं अगदी टोकाचं हवामान आहे अशा ठिकाणी हवामानाप्रमाणंच कामाच्या वेळा बदलायला हव्यात.अगदी घट्ट शिस्त पाळण्याऐवजी निसर्ग बदलतो त्याप्रमाणे आपणही बदलायला हवं.
लवचिकता ही एक असाधारण गोष्ट आहे असं आपल्याला वाटतं.
पण निसर्ग पाहा.तिथली झाडं-झुडपं पाहा त्यांच्या लवचिकतेतच त्यांचं टिकाऊपण आहे,त्यांचं निसर्गाचं शहाणपण आहे.
१३९ । कार्यशैली
