या पानाचे मुद्रितशोधन झालेले आहे
जूलियस सीझर
इ.सनापूर्वी १०० या वर्षी जूलिअस सीझर याचा जन्म झाला. जगांत आजपर्यंत जे मोठमोठाले कार्यकर्ते होऊन गेले त्यांच्यांतील पहिल्या प्रतीच्या नांवांत सीझरचें नांव दाखल आहे. त्याच्या काळांतच लिहून ठेविलेल्या माहितीवरून त्याची चरित्रे लिहिली गेलीं आहे आणि म्हणून इतक्या भूतकाळीं त्यानें ज्या कांहीं प्रचंड उलाढाली केल्या त्यांचें चित्र आपल्या मनापुढें स्पष्ट उभे राहातें. केवळ बारीक अशा रूपरेखेच्या सांगाड्यांत कल्पनांचा यथेच्छ पेंढा भरून लेखकांनीं कित्येक प्राचीन वीरांची चरित्रे लिहून ठेविली आहेत. तीं केवळ कादंबऱ्याच होत; पण सीझरचें तसें नाहीं. प्रत्यक्ष त्याच्या काळी त्याच्यासंबंधी लिहिली गेलेली हकीगत चांगली तपशीलवार असल्यामुळे त्याच्या चरित्राला अस्सल ऐतिहासिक रूप आहे असें वाचकांस
