लिकी स्वराज्य" हैं प्रधान व्यंग होतें; शिवाय म्हटले तर स्वतंत्र, म्हटले
तर परतंत्र अशा लिवालवित स्थितीतील तें राज्य होतें; म्हणजे आदिल-
शाहाशी दोन हात करून, त्यात विजयी होऊन स्थापन केलेले तें स्वराज्य
नव्हतें; हूँ शहाजीच्या स्वराज्यांतील प्रधान व्यंग होतें. शिवाय दुर्बल कर्तृ-
त्वहीन, व नालायक राजाची पेशवाई किंवा सरलष्करी करता करतो, त्याला
हळूच ढकलून देऊन स्वराज्य स्थापन करणान्या व्यक्तीवर कृतघ्नतेचा व
स्वामिद्रोहाचा आरोप प्रतिपक्षी आणूं शकतात, व ते आरोप निमूटपणे ऐकून
घ्यावें लागतात; हा न्याय पेशवा किंवा सरलष्कर यांच्या प्रमाणेच मांडलीक
राज्यकर्त्यालाही लागू असतो; मूळ घन्याचें मांडलीकत्व पतकरितां पतक-
रितां तें सुसंधी प्राप्त झाल्याबरोबर झुगारूग देऊन स्वराज्यस्थापना करणे,
हा प्रकारही असाच स्वामिद्रोहाच्या आरोपास पात्र ठरतो; तसाच प्रकार
शहाजीच्या मांडलीकी राज्याचा होता; हे त्याच्या स्वराज्यसंस्थापनेंतील
दुसरे व्यंग होतें, आणि शहाजीनें स्थापन केलेले स्वराज्य कर्नाटकांत असून
तें मांडलीकी स्वरूपाचें होतें, स्वराष्ट्रांत स्वतंत्र स्वराज्य नव्हतें, हे त्या स्वरा-
ज्यसंस्थापनेंतील तिसरें व्यंग होतें; म्हणजे शहाजीनें कर्नाटक प्रांतांत केवढीही सत्ता
स्थापन केली तरी ती परमुलुखांत व मांडलीकी स्वरूपाची असल्यामुळे ती मांड-
लीकी स्वराज्य आणि प्रच्छन्न स्वराज्य या मर्यादेपर्यंतची होती प्रच्छन्न स्वराज्य
किंवा स्वतंत्र स्वराज्य शहाजीनें कर्धीही स्थापन केले नव्हतें; म्हणजे भांडलीकी व
प्रछन स्वराज्य हें प्रकट किंवा स्वतंत्र स्वराज्याच्या मानानें पुष्कळच कमी दर्जाचें
असल्यामुळे, शहाजीनें स्थापन केलेले राज्य स्वराज्य नव्हते, असेच म्हणणे
प्राप्त होते. शिवाजीच्या राज्यसंस्थापनेंत हीं व्यंगें नाहींत; तो प्रारंभा
पासूनच स्वतंत्र राहिला; निजामशाही, अदिलशाही व मोंगलाई यांच्या
वशिल्यावर शिवाजीनें आपली स्वराज्याची इमारत उभारली नाहीं; मुसल-
मानी सत्तेचा मिघा राहून, मिळेल तेवढी सत्ता मिळवून घेऊन शहाजीनें
कर्नाटकांत राज्य स्थापना केली होती; पण शिवाजीनें मनगटाचा जोर, लोक
संग्रहाचा दुजोरा, स्वार्थत्यागाची परमावधी, प्रकट, मर्दुमकी, अढळ चिकाटी,
असाधारण उद्योग, अण्वादकारक धाडस, वगैरे अनेक गोष्टींच्या जोरावर
स्वराष्ट्रांत म्हणजे महाराष्ट्रांत स्वतंत्र राज्यस्थापना केली; अर्थात् स्वराज्य
पान:मराठ्यांचा इतिहास भाग ४.pdf/२४५
या पानाचे मुद्रितशोधन झालेले आहे
(२३४ )