जाऊ लागल्या. त्यानुसार बडोदा येथे तीन आणि सिधपूरमध्ये एक कापड गिरणी सुरू करण्यात आली. त्यानंतर कलोल, पेटलाड आणि इतर ठिकाणी अनेक कापड गिरण्या सुरू झाल्या.
बडोदा संस्थान गिरणी व इतर उद्योग संघ
२२ एप्रिल १९१८ रोजी बडोदा गिरणी मालक संघटनेची बडोद्यात स्थापना करण्यात आली. २ मे १९३६ रोजी या संघटनेचे 'बडोदा संस्थान गिरणी व इतर उद्योग संघ' असे नामकरण करण्यात आले. या संस्थेला बडोदा व ब्रिटिश सरकारकडून मान्यता मिळाली. बडोदा संस्थानातील कापड गिरण्या, रासायनिक, लोह, रंगकाम, कागद, काडीपेटी इत्यादी उद्योगांचे प्रतिनिधित्व करणारे ४२ सदस्य या संस्थेचे सभासद होते. ही संस्था दिल्ली येथील भारतीय व्यापार व उद्योग मंडळ संघाशी संलग्न होती. बडोदा संस्थानात गिरणी व इतर उद्योग संघाच्या स्थापनेवेळी पुढील तीन प्रमुख उद्दिष्टे डोळ्यासमोर ठेवण्यात आली होती.
१) संघ सभासदांच्या हितांचे संरक्षण करणे.
२) बडोद्यातील व्यापार व उद्योगांचा विकास करणे.
३) संघ सदस्य आणि उद्योजक व कामगारांमध्ये सौहार्दाचे संबंध प्रस्थापित करणे.
जागतिक महायुद्धाच्या काळात ब्रिटिश सरकारकडून करण्यात आलेल्या उत्तम प्रतीचे कापड व सूत इत्यादीच्या मागण्यांचे व्यवस्थापन गिरणी व इतर उद्योग संघाच्या संचालक मंडळाच्या
