बापू : (तिला तबकात वस्त्र घालून देत) मुलं-मुली असा भेद नाहीच
राहिला हल्ली. कंपनीही तो करत नाही आणि कर्मचारीही !
लता : बाकी बापू, 'व्हीआरएस' घेतल्यापासून तू अगदी पोक्त
म्हाताऱ्यासारखा बोलायला लागलास. कॉलसेंटरमध्ये किंवा
कुठल्याच कंपनीमध्ये जेंडरचा विचार नाही केला जात.
बापू : (म्हातारा शब्द त्याला लागलाय ) लता, मी अगदीच काही म्हातारा
झालेला नाहीये. तुला बघायचंय का--
लता : हं, गौरीपूजनाची तयारी कर. म्हणे बघायचंय का ? ही रूपा की येते
कुणास ठाऊक?
बापू : मी फोन लावतो तिला. (तो मोबाईल लावतो. रिंग वाजते
बराचवेळ ती उचलत नाही. तो अस्वस्थ )
लता : काय झालं ?
बापू : अग नाही उचलत ती.
लता : कामात असेल.
बापू : (ओरडत) कामात असेल तर ती आता येईल कशी ?
लता : शांतपणे काम संपवण्याची घाई करत असेल. म्हणूनच फोन नाही घेत ती.
बापू : (तो अस्वस्थ ) तुला सांगितलंय का तिनं तसं ?
लता : सांगायला कशाला पाहिजे ? कळतं ना. ती बिझी आहे म्हणून
फोन नाही उचलत. मी नव्हते का करत तसं ?
बापू : तू ? लता, तुझी कंपनी ती केवढी, तुझी धावपळ ती काय, उगाच
रूपाशी नको तुलना करू स्वत: ची.
लता : (मिश्किलपणे) का ? रूपाची कंपनी मोठी म्हणून तिची पत जास्त
आणि माझी छोटी-
बापू : काही तरी बोलू नकोस. माझा कंट्रोल सुटतोय.....
लता : काय कारण आहे कंट्रोल सुटायचं ? ती येईलच आत्ता.
बापू : असं काही तरी सांग ना. आजचं गौरीपूजन तिच्याकडून करून
घ्यायचं ठरवलंय मी.
लता : किती वेळा सांगणारैस तेच. माझी तयारी झालीय.
बापू : मुखवटे कुठं आहेत ?
रुपक । १६ ।
पान:रुपक.pdf/१६
या पानाचे मुद्रितशोधन झालेले आहे